الفن ينقل الواقع..مؤلف فيلم سفاح التجمع يرد على الانتقادات

رد المؤلف والمخرج محمد صلاح العزب، على الانتقادات التي وجهت لفيلم " سفاح التجمع" بطولة النجم أحمد الفيشاوي، قبل عرضه في موسم عيد الفطر المبارك.
 

وقال محمد صلاح العزب: مع كامل الاحترام لكل الآراء طبعا، بس الناس اللي معترضة على وجود عمل فني عن سفاح التجمع، وبيقولوا هو ليه وإزاي وإيه الفايدة إننا نعمل فيلم عن شخصية سفاح؟!،".

وأضاف" هو ده أول فيلم في التاريخ يتعمل عن شخصية إجرامية؟ فمستغربين ومندهشين جدا؟، عمركم ما سمعتوا عن آلاف الآفلام والمسلسلات في تاريخ السينما والمسرح والتلفزيون والمنصات عن مجرمين؟!، ولا كل مرة هتستغربوا وتندهشوا نفس الاندهاش؟!".

و أشار"والكلام بتاع ما تعملوا عن شخصيات تاريخية ولا علماء ولا شخصيات مفيدة، طب ما هو برضه ده بيتعمل بشكل دوري، وغالبا ما بيلاقيش نجاح ولا رواج جماهيري، بما يعني إنكم مبتتفرجوش على الأعمال دي أصلا، وفكرة إن لما المشاهدين يشوفوا السفاح في فيلم الناس كلها هتتحول سفاحين عشان يقلدوه، ده برضه منطق غريب، ما طول الوقت الأعمال الفنية بتعرض مجرمين وقتلة وسفاحين ودكاترة وظباط ومحامين وسواقين أوبر وعادي، جمعية ودايرة، والمشاهد مش بالسذاجة إنه كل ما هيشوف شخصية هيقلدها.

تابع: "والمفاجأة أن الفن بينقل من الواقع مش بيسبقه، وفي المجمل إحنا بناخد نماذج حقيقية وإحنا اللي بنقلدها مش هم اللي بيقلدونا، قليل من المنطق، حياكم الله".

واختتم: "وإن شاء الله المشروع القادم هعمل فيلم عن الدكتور مجدي يعقوب أطال الله في عمره، كل سنة وأصحاب كل الآراء طيبين وسعداء، ودمتم سالمين، سفاح التجمع".

اقرا ايضا موعد الحلقة الأخيرة من مسلسل المداح أسطورة النهاية

مسلم يعلن انتهاء أزمته مع نقابة المهن الموسيقية

عصام السقا فخور بالعمل في مسلسل صحاب الأرض