مي الغيطي: اخترت أغنية لـ شارموفرز في The Mummy وأشارك في كتابة مشروعين كوميدي

تحدثت الفنانة مي الغيطي عن تفاصيل مشاركتها في الفيلم الأمريكي The Mummy، وعن مساعدتها للمخرج لي كرونين في تصوير مصر بشكل دقيق.

قالت مي الغيطي في لقائها مع برنامج "اليوم هنا القاهرة" المذاع على قناة مودرن MTI: "أنا حاولت أساعد في تعديل اللهجة لأن في ناس اللكنة العربية بتاعتهم مش أحسن حاجة، عشان هما مش متربيين في مصر، وحاجات زي اختيارات المزيكا".

وأوضحت مي أنها اقترحت 3 فرق موسيقية مصرية على المخرج، وأضافت: "عجبته أجواء شارموفرز وطلب إني أترجم الأغنية، وكان عايز يبدأ الفيلم بطاقة إيجابية عشان يبقى في سعادة بلهاء، فهو حب طاقة أغنية "5 سنتي"".

وأضافت: "علقت على تفاصيل صغيرة زي نطق كلمات معينة، ولوحة العربية كان شكلها مش صح، فمفيش مشاهد باينة فيها لوحة عربية".

وكشفت مي عن اتجاهها للكتابة في أعمال كوميدية، قائلة: "حاليًا بشارك في كتابة مشروعين كوميديين، فبحاول إني أبادر وأعمل الحاجة اللي نفسي أكون جزءًا منها، لأن أنا مش مع إننا نفضل قاعدين ونشوف ربنا هيجيب إيه. طبعًا كل حاجة بإيد ربنا، بس لازم أجتهد وأعمل فرص لنفسي".

فيلم The Mummy يعرض حاليًا في دور العرض المصرية ويشارك في بطولته جاك رينور، لايا كوستا، مي قلماوي، فيرونيكا فالكون، ومي الغيطي.

وتعكس تصريحات مي الغيطي حرصها على تقديم صورة أكثر دقة وواقعية عن مصر في الأعمال العالمية، إلى جانب سعيها لتوسيع حضورها الفني عبر المشاركة في الكتابة وصناعة محتوى كوميدي جديد، في خطوة تؤكد تطلعها للانتقال من التمثيل إلى الإسهام في صناعة المحتوى من خلف الكواليس أيضًا.