طلاب من نظم المعلومات بأكاديمية المستقبل يبتكرون موقعا إلكترونيا وتطبيقا ذكيا لإعادة الشباب للرياضة

طور طلاب الفرقة الرابعة نظم معلومات، في اكاديمية المستقبل، مشروعا متميزا بعنوان  BOOKERS، وتتلخص  فكرته انه موقع إلكتروني وتطبيق مسؤول عن إعادة الشباب للحركة والرياضة، وهدفه تسهيل الحجز الخاص بملاعب البادل والباسكت وكرة القدم.

ويقول الطلاب إن المشروع اسمه BOOKERS  هو فكرته انه ابلكيشن وويبسايت مسؤول عن إعادة الشباب للحركة والرياضة، في انه يسهل عليهم الحجز الخاص بملاعب البادل والباسكت وكرة القدم، وبيشجعهم عن طريق الكروت الخاصة بكل شخص او تيم الي بيحجزوها من الويبسايت وهو فكرته ان كل حجز بيعملوه بيكون ليهم سكور بيقدرو ياخدو بيه خصم من متجرنا او من الحجز الي بعده
وبعد سكور معين بيتأهل لمسابقة ودورات شبه دورات رمضان
والفائز ليه حجوزات مجانية لفترات معينة وفكرتنا ان الكارت بيكون زي حافز نفسي انه يشحنه نقاط بالسكور الي هيسجله ويحققه بنفسه ⚽️🔥

والمشروع بتاعنا اتكرم وكان من الـTop 3♥️

وبوكرز هو فكرة بدأت من سؤال بسيط: ليه حجز ملعب لحد دلوقتي ممكن يكون معقد؟ وليه مفيش حاجة تشجع الشباب ينزلوا يلعبوا بشكل مستمر؟

من هنا كانت فكرة المشروع. بوكرز عبارة عن موقع إلكتروني وتطبيق بيجمع كل حاجة اللاعب محتاجها في مكان واحد. تقدر تدور على أقرب ملعب ليك من خلال الخريطة، وتشوف المواعيد المتاحة والمحجوزة، وتحجز في دقائق، وتدفع أونلاين بأكتر من وسيلة دفع.

لكن اللي بيميز بوكرز إنه مش مجرد منصة حجز. إحنا اعتمدنا على فكرة تشجع المستخدم إنه يلعب بشكل مستمر من خلال نظام نقاط. كل مرة بتحجز فيها بتكسب نقاط، ولو كسبت المباراة بتاخد نقاط إضافية. ومع الوقت تقدر تستخدم النقاط دي في خصومات على الحجوزات أو منتجات المتجر، ولما توصل لعدد معين من النقاط بتتأهل للمشاركة في بطولات ودورات رياضية، والفائزين بيحصلوا على حجوزات مجانية وجوائز.

ولو معندكش فريق تلعب معاه، مش هتضطر تلغي نزولك. من خلال خدمة الصديق الرقمي، تقدر تنضم لفريق ناقصه لاعب، أو تلاقي أشخاص عايزين يلعبوا زيك، وده بيساعد على تكوين مجتمع رياضي أكبر ويخلي فرصة اللعب متاحة للجميع.

كمان اهتمينا بتجربة المستخدم، فكل جزء في الموقع ليه تصميم مختلف يناسب وظيفته، سواء الصفحة الرئيسية أو المتجر أو صفحات الحجز، عشان الاستخدام يكون أسهل وأمتع.

وبيوفر المشروع كمان إمكانية تقييم الملاعب وكتابة الآراء والاقتراحات، مع مراجعة كل الملاحظات بشكل مستمر، بالإضافة إلى نظام يتيح لأصحاب الملاعب طلب إضافة أو تعديل بياناتهم، وبعد مراجعتها يتم تحديثها من خلال الإدارة.

بوكرز في النهاية مش هدفه إنه يسهل حجز ملعب وبس، لكنه يحاول يخلي الرياضة عادة مستمرة، ويحول كل مباراة إلى إنجاز، وكل إنجاز إلى دافع يخليك متحمس تنزل تلعب مرة تانية.

أسماء الفريق:
يوسف أمين فاروق 
محمد عماد محمد
علي مدحت سيد
مروة شعبان عبد العظيم
آية سامح شكري
هنا احمدعبد العزيز.