عمر كمال يرد على جدل يا ملايكة يا منافقين

عبر مطرب المهرجانات عمر كمال، عن استيائه من بعض التعليقات الهجومية التي انتشرت مؤخرا، حول إحدى أغنيات قدمها منذ سنوات، موضحًا حقيقة المقطع المتداول من العمل، ومؤكدا أن الأغنية لم تطرح للجمهور من الأساس.

عمر كمال يوضح حقيقة تجاوزاته في الدين بإحدى اغانيه

وقال عمر كمال فى فيديو نشره عبر صفحته الرسمية على موقع «فيسبوك»: «أنا طالع أشرح لناس غلط، أو فى بوستات كتير شوفتها على موضوع أغنية كنت عاملها، عشان متفهمش غلط».

وأضاف: «من 4 سنين كنت بانفذ أغنية وكان فيها عبارة بتقول «أنا الشيطان السالك يا ملايكة يا منافقين»، وكان الغرض من الكوبليه ده إني أقول أنا وحش و انتو حلوين، أنا وحش ممكن يكون فيا حاجة حلوة، وانتو عاملين ملايكة بس فيكو حاجات كتير وحشة».

وأردف: «فعلًا منزلتش الأغنية بسبب ممكن تكون كلمات فيها حرمانية وتجرأ على الملايكة، اللى يعرفنى يا جماعة يعرف إنى طالع من بيت متدين، ومفيش عقل ولا منطق يقول إنى أتجرأ على ربنا أو على ديني».

واختتم عمر كمال حديثه بالاعتذار عن تداول الكلمات، قائلًا: «معرفش ليه كل فترة حد يطلع يستخدم الكلمات دي وينزلها من أول وجديد ويعمل مشكلة، وباعتذر لأي حد سمع الكلام ده ومش فاهم حقيقة الموضوع».