قدورة: اعتزلت وعايز امسح الأغاني علشان مش قادر أشيل ذنب الناس

أعلن مؤدي المهرجانات علي قدورة اعتزاله الغناء، وكذلك رغبته في حذف هذه الفيديوهات لأنه لا يريد أن يتحمل ذنب الأشخاص الذين يستمعوا لهذه الأغاني.

اعتزال علي قدورة

نشر علي قدورة فيديو له عبر حسابه الرسمي على تطبيق الفيديوهات تيك توك، قائلاً: "أنا اعتزلت الغناء، علشان مش حمل أشيل ذنب الناس اللي بتسمع الأغاني بتاعتي، وبحاول أحذفها من على اليوتيوب ومش عارف".

وأضاف: "لما كلوشة مات محدش كان عارف مصيره، احنا قدما أغاني مع بعض، وباب التوبة مفتوح، إعمل اللي انت عايزه وصلي صلاتك هتنهيك عن الغلط، والحلال بين والحرام بين، وأنا اكتفيت وشبعت الحمد لله".

وكان قد أعلن علي قدورة اعتزاله الغناء، من خلال حسابه الخاص على موقع تبادل الصور والفيديوهات الشهير إنستجرام، حيث قال: "السلام عليكم في يوم جمعة مبارك أنا علي عبد القادر السيد، الشهير بـ علي قدورة، كنت مغني قبل النهاردة، فيه حاجة حصلتلي مش عارف إيه هي بس الحاجة دي هي اللي بتخليني أتكلم دلوقتي، أنا بريء من كل عمل أو مزيكا عملتها في حياتي وبعلن اعتزالي مجال الأغاني لحد ما يفتكرني ربنا".

واختتم: ربنا يسامحني على أي حاجة أنا عملتها في حياتي، أو أي حاجة صدرت مني دون قصد، يا رب قربني ليك وافتحلي باب رزق يرضيك، ومفيهاش حاجة لو بدأت من جديد في أي شغل بالحلال، وأي فلوس معايا هسيبها لـ أهلي.