هدير عبد الرازق: كان بيتعملي أعمال ولو جورجينا مش هتعملوا معايا كده

ظهرت البلوجر هدير عبد الرازق في فيديو جديد وذلك بعد أزمتها الأخيرة، بسبب الفيديو المسرب عبر السوشيال ميديا، واتهامها بنشر الفسق والفجور.  

وتحدثت البلوجر هدير عبد الرازق، عن بعض تفاصيل حياتها قائلة: "أنا مكنتش كده، كان بيتعملي سحر، وبيتعملي أعمال من جوزي السابق اللي حصلي معاه مشاكل وأنا متأكدة أن ربنا هيكرمني بإذن الله، وده خير ليا وأنا عمري ما أذيت حد، ومغلطش ولا عملت حاجة حرام ولا خالفت شرع ربنا ومش ضعيفة عشان أمشي في الشارع بنقاب".

وتابعت: "وانا حسيت بسبب اللي حصل ده، ان يوم القيامة قرب، وده اكيد علامة من علامات القيامة الكبرى، وناس قالتلي عليها اهربي بره مصر واهرب واختفي، وامسح صوري، وانا بدأت اشيل بعض الفيديوهات من انستجرام، وانا مش هبقا زي الأول، وانا بقيت شخصية جديدة، وربنا اما يحب يربي حد بيبتليه، وانا مش بسيب فرض، وانا كنت بمر بفترة اكتئاب، ومفيش حاجة ريحتني غير فرض ربنا، وانا قبل ما يتقبض عليا بيوم، كنت بدعي ربنا انه ياخد بأيدي".

وأشارت هدير عبد الرازق إلى مسألة تداول الفيديو الخاص بها قائلة: "الفيديو اللي هيدخلك قرش حرام، ربنا مش بيسيب وشوفوا وسيلة تكسبوا بيها فلوس، ولو جورجينا مش هتلعموا معايا كده وانا مش محور الكون، وشوفوا حاجة غيري".

وبالنسبة لدعم أهلها بعد تعرضها لهجوم شديد بسبب الفيديو قائلة: "أهلي دعموني، إني اغير محتوايا، واطلع في فيديوهات، وانا خريجة إعلام ونفسي أمثل وجمهوري الحاجة الوحيدة اللي بيهونوا عليا الدنيا، وامي بعتتلي بوست من صحفي محترم ساعدني على تخطي موقف، وكان بيقارن بين الموقف اللي حصلي بمواقف مشاهير تانيين حصلهم نفس الموقف، وده اللي طلعني من الاكتئاب".