الفنان محمد صبحي: الترفيه جزء أساسي من الفن.. لكن مينفعش نزع الفكر والرسالة منه

أبدي الفنان محمد صبحي  رأيه في الأعمال الفنية التي تعرض خلال الفترة الحالية، موضحا إلي أن الترفية جزء أساسي من الفن، لكن لا يجب نزع الفكر والرسالة منه.

وأضاف محمد صبحي خلال تصريحات تليفزيونية: الأعمال الفنية الحالية خالية من الأهداف والرسائل التي من المفترض أن يقوم بها العمل الفني.

وتابع صبحي: اللي بيقطع تذاكر دلوقتي وبيدخل سينمات إن مكانش شيء تافه مش هيدخله، الفن جزء أصيل فيه الترفيه، لكن لو منزوع منه الفكر والرسالة مش هيفيدني في حاجة.

وأردف: " في ناس بتقول الفن ترفيه وتفاهة وكفاية المتعة اللي بنحققها للمشاهد أنه بيضحك، لأ مبيضحكش، وعيب لما تقول أن قدراتك كلها علشان تضحك تبقى قليل الأدب، لأ أنت تضحك بمستوى أنت طالب تحققه في مجتمعك.
وتابع محمد صبحي: عايزين نقدم فن يرفع قيمة الإنسان، مبقولش نقول فلسفة ولا خطب، الناس بتصرخ من الضحك بس أنت عارف كيف تكتب الكوميديا لأن دي أصول، ولازم المؤلف يرجع تاني، وأنت مقعد المحترمين اللي بيفهموا وبيكتبوا وأثبتوا جدارتهم ونجوم سواء ممثلين أو مؤلفين أو مخرجين قاعدين في بيوتهم لأن دمهم تقيل، أنا راجل مبخافش، أنا بنتقد وضع سائد وكل الناس تتكلم عليه في السوشيال ميديا.

وعن شركات إنتاج المصرية ، تحدث محمد صبحي: شركات إنتاج في مصر تجري وراء  التريندات.

وأضاف محمد صبحي: أنا بقول دوروا على الناس دول وتعالوا اشتغلوا، إنما لما بنت تطلع في التيك توك وتقول كلام سافل ومنحط بتشتغل في 4 و5 مسلسلات، وفي شركات إنتاج في مصر عايزة التريند، والكاميرات مبتروحش غير للتفاهات.