بسبب الميراث.. أبو الليف يستغيث من شقيقه

كشف الفنان نادر أبو الليف، عن خلافات بينه وبين شقيقه على الميراث، مؤكدا أن الخلافات تدور حول شقة ورث، أدخلته في دوامة طويلة من القضايا والإجراءات داخل المحاكم.

وكتب أبو الليف عبر فيسبوك: “للأسف الشديد بقينا في زمن ناس كتير فيه بقى همّها نفسها وبس، وكأن الضمير والنخوة وصلة الدم اختفوا من قلوب البعض، حتى الأخ اللي من نفس الأب والأم، ومتربي في نفس البيت، ممكن للأسف يظلم أخوه علشان مصلحة أو ورث أو طمع في الدنيا”.

و تابع : يا ناس… الكفن مالهوش جيوب، والإنسان لما بينزل قبره مش بينفعه غير عمله الصالح، لا مال هيدوم، ولا ظلم هيفضل، وكل واحد فينا هيقف قدام رب كريم ويسأله عن كل حق ظلم فيه غيره، خصوصًا لو كان أخوه وسنده من دمه ولحمه.

و أضاف: أنا بقالي أكتر من عشر سنين في المحاكم بسبب شقة ورث، وكل اللي بطلبه إن كل واحد ياخد حقه بما يرضي الله، لكن للأسف كل قضية بتترفع بيتم تعطيلها بطرق ملتوية، والموضوع بقى مرهق نفسيًا ومعنويًا بشكل كبير.

واستكمل: نفسي أخويا يفوق ويحس إننا إخوات، وإن الدم عمره ما كان المفروض يتحول لخصومة وعداوة بالشكل ده، لكن للأسف لا.. هو شايف غير مصلحته، ولا سامع غير صوت الطمع، وكأن باقي الناس مالهاش قيمة.

وأضافك رغم كل الألم ده، أنا لسه بدعي إن ربنا يهديه، ويرجع للحق، ويعطي كل ذي حق حقه قبل ما ييجي يوم لا ينفع فيه مال ولا جاه.

وناشد أبو الليف الجهات المسئولة قائلاً: بوجه ندائي لكل مسؤول أو أي جهة تقدر تساعد في إنهاء قضايا المواريث المعطلة، لأن في أسر كتير بتضيع سنين عمرها بين المحاكم والخلافات.

وأختتم حديثه قائلاً: "نفسي يكون في حل سريع وعادل يريح الناس ويرجع الحقوق لأصحابها، حسبي الله ونعم الوكيل في كل ظالم، وربنا يصلح الأحوال ويهدي النفوس.