كلمات أغنية "ع حطة إيدك" التي بدأ بها عزيز مرقة العام الجديد

طرح الفنان الأردني عزيز مرقة، من خلال قناته الرسمية على يوتيوب، فيديو كليب أغنيته الجديدة “حطة إيدك”، وهي من كلمات عزيز مرقة ومحمد شافعي، ألحان وإنتاج موسيقي عزيز مرقة، ميكس وماستر ماهر الملاخ، إخراج بيشو يسى.

كلمات أغنية حطة إيدك لـ عزيز مرقة

"ع حطة ايدك زي ما كنت

من يوم ما أنت عرفتيني

عارفة إنك أول بنت عنجد تقبلتني

لساتني ما غيرت عاداتي

نفس الإشيا اللي في حياتي

لساتني ذات الإنسان

أول حب وأول مرة أحس إني بستاهل

خفت أحكيلك إني مع حالي كل يوم بتقاتل

خفت أحكيلك إني بحبك

خفت أقول وهيني خسرتك

وياريت يرجع فينا الزمان

كل الأشياء اللي بتصير بتذكرني فيكي

عبالي جيتي بشتاقلك حبيبتي

كيف أنسى

كل اللي كنتي تقولي لقيته بطريقي

كنتي بتعرفيني

عارفة تحبيني

ياريت أنسى

كنت ناوي أحكي اللي ع القلب لما كنتي قدامي

كنت ناوي بس أديش كان صعب

أحكيلك عن أحلامي

يمكن كان الصوت جواتي بيقولي بعد كم يوم والثاني

هالبنت أخرها تنساك

يا ويلي نبرة صوتك لما زعلتي وبادلتني

من حرقة قلبك طلعت كلمة ويومها وجعتيني

مش حتبطلها هاي عاداتك

دايما بتخبي اللي جواتك

وها لعمر ضاع بستناك

كل الأشياء اللي بتصير

بتذكرني فيكي

ع بالي جيتي بشتاقلك حبيبتي

كيف أنساك

كل اللي كنتي تقوليه

لقيته بطريقي

كنتي بتعرفيني وعارفة تحبيني

ياريت أنسى

كنت فاهمة كل شي مني

وروحتي شايلة ايدك عني

قلتيلي مش هادا اللي بتمناه

قلتيلي ياها من الأخر

وأنا ياللي كنت أكابر

كيف أنسى

وكل الأشياء اللي بتصير تذكرني فيكي

عبالي جيتي مشتاقلك حبيبتي

كيف أنسى كل اللي كنتي تقولي

لقيته بطريقي كنتي بتعرفيني

وعارفة تحبيني وياريت أنساه"