تعرف على كلمات الأغنية الدعائية لفيلم "البحث عن منفذ لخروج السيد رامبو"

طرح الرابر ليجي سي عبر قناته الرسمية على يوتيوب، أغنية جديدة بعنوان "تروح لمين"، وهي من كلماته وألحانه أيضًا، كما تُعد الأغنية الدعائية لفيلم "البحث عن منفذ لخروج السيد رامبو" بطولة الفنان عصام عمر، والذي يعرض حاليًا في دور السينما.

كلمات “تروح لمين” لـ ليجي سي Lege-Cy

"الدنيا مش فاكراك، وش الطيبة مش نافع

جواك كتير يتقال لكن محدش سامع

جوايا بيقولي إن كل اللي راح مش راجع

بس أنا باقي مش بايع.. إيه

كان نفسي تتحل بالمعروف

بس كل مرة ألاقيها جاية في غلط

كل مرة، كل مرة، كل مرة

والدنيا معانداني، دنيا معانداني وما بتقبلّيش طلب

وأنا ولا عندي اللي يجيب حقي

أنا بجري وحاسس إني ضهري اتقطم

كل مرة اتصدم حتة بتقع مني وبحسان أنا بتكسر

وتدور على اللي ضاع منك واللي فاضلك

وتتوه وتروح لمين يدلك.. كل الدنيا ضدك

وتدور على اللي ضاع منك واللي كان في ضلك

والدنيا دي كل يوم تهدك، تسند على الناس تذلك

ده أنا والله ما اخترت، أنا اتحطيت فيها غصب

مش سايباني من الباب للطاق، بتحب تخليني مضطر

كل شوية بيسقط مني حرف

أيام أصعب من بعض وشريطي بيتكر

تحب تجيبني أرض لو مشيت على الخط

كله مد إيد إيد، مبتشبعش ضرب

بدأت أصدق انها غابة

كل مرة يحسسوك انك غريب

جربت تدور على الأمان في وسط ناسك

بس كل مرة تتوه ومش بتلاقيه

محلولة لو موضوع بسيط

حاسس جوايا نار بتحرق بالبطيء

اعمل عشانك أي حاجة، مش خسارة فيك

وتدور على اللي ضاع منك واللي فاضلك

وتتوه وتروح لمين يدلك.. كل الدنيا ضدك

وتدور ع اللي ضاع منك واللي كان في ضلك

والدنيا دي كل يوم تهدك.. تسند على الناس تذلك".