الأكثر استماعًا في ألبومه.. تعرف على كلمات أغنية بسيط لـ أحمد سعد

طرح الفنان أحمد سعد عبر قناته الرسمية على منصة يوتيوب أغنية جديدة تحمل اسم بسيط، وهي الأغنية الأكثر استماعًا حتى الآن في ألبومه الجديد الذي يحمل اسم “حبيبنا”، الأغنية من كلمات نادر عبد الله، ألحان وتوزيع أحمد إبراهيم.

كلمات أغنية بسيط لـ أحمد سعد

"مش مليونير ولا عندي في دفتر شيكات ولا بيت كبير مليان تحف علي أنتيكات ولا تابلوهات.. متعلقين فوق الحيطان ولا في ساعات ماركات ولا هدوم سينيهات إنسان بسيط جدًا كمان لما تشوفيه ممكن ميلفتش انتباهك حاجة فيه ممكن يجوز.. بالوقت لما هتعرفيه تلاقيه مكانلوش ذكريات بسيط.. إنسان بسيط ده ولا في إيديه ولا حيلته غير كلمة ياريت فكان عشمان كمان يلقاله فيكي وبيكي عيلة، وناس، وبيت بسيط إنسان بسيط ده ولا في إيديه ولا حيلته غير كلمة ياريت فكان عشمان كمان يلقاله فيكي وبيكي عيلة، وناس، وبيت موعدتكيش سنة عن سنة نغير موديل ولا في الأجازة نسيب أوتيل ونروح أوتيل ولا كل ليل.. نسهر هنا وهناك عشان مقدرش أبان فارس وأنا مش لاقي خيل أنا حد من شيل الهموم بيبان عجوز ولا ليه معارف أو في يوم كان له نفوذ فأنا لو خسرتك عادي ما أنا بخسر كتير وإن فزت بيكي هتبقى أول مرة أفوز بسيط.. إنسان بسيط ده ولا في إيديه ولا حيلته غير كلمة ياريت فكان عشمان كمان يلقاله فيكي وبيكي عيلة، وناس، وبيت بسيط.. إنسان بسيط ده ولا في إيديه ولا حيلته غير كلمة ياريت فكان عشمان كمان يلقاله فيكي وبيكي عيلة، وناس، وبيت".

اقرأ أيضًا: تريند 1 على يوتيوب.. تعرف على كلمات أغنية يوم ما تنسى لـ تامر عاشور 

اقرأ أيضًا: تعرف على كلمات أغنية "مفتقدني" أولى أغاني ألبوم حبيبنا لـ أحمد سعد