فاتن سعيد تكشف عن بدايتها في عالم التمثيل

كشفت الفنانة الشابة فاتن سعيد، عن بدايتها في مجال التمثيل، والذي دخلته بمحض الصدفة وليس عن طريق الاحتراف.

وقالت فاتن سعيد خلال لقائها مع الفنانة والإعلامية إسعاد يونس في برنامج “صاحبة السعادة”والذي يذاع على قناة “dmc”: اتولدت في السعودية وقضيت وقت ابتدائى هناك، وجيت على دمياط في سادسة ابتدائي، وكملت إعدادى وثانوى في دمياط، وجيت القاهرة في أولى كلية".

وأضافت: دخلت كلية طب بشري لأنى كنت مجتهدة ومتفوقة في الثانوي ومعروفة، وجبت مجموع كبير يعنى طب، كنت عارفة إن لما هاجى القاهرة هيفتح ليا حاجات كتير؟، ودرست وأخدت الشهادة وعملت اللى نفسى فيه".

وقالت إن التمثيل بدأ معايا من الكلية، لأن في دماغى من صغرى بحب الأفلام، فهل أنا بحبها عشان بحب أهرب من الواقع، ولا أنا بحب التمثيل اللى هي مهنة صعبة جدا وعاوزة أمتهنها، واكتشفت ده وأنا في الجامعة.

وعن بدايتها الفنية، قالت فاتن سعيد: "في رمضان 2023 كان أول مسلسل ليا في رسالة الإمام، بدأت بالصعب التاريخي، وكنت عاملة دور ابنة الإمام الشافعي اللى بيجسده النجم خالد النبوي، ولكن الموضوع مكنش صعب في اللغة العربية، لأن دراستى كانت بالعربى وكنت بلعب مسرح وأغلب النصوص كانت باللغة العربية، وبعدها عملت مسلسل العتاولة".

وعن مشاركتها هذا العام قالت: "جالى في الأول ظلم المصطبة، هانى خليفة كلمنى وقال لى عاوزنى في دور، من غير ما أعرف تفاصيل قلت له أنا معاك، وفعلا مكنتش قرأت أي ورشة وواثقة فيه، ولكن أستاذ محمد علي كمل مكانه بعد كده".

وتابعت: "أنا بحب المشاهد اللى فيها لحظات صمت، ولما بيجيلى مشهد كلام قليل ومشاعر كتير بحبه جدا، أما مشاركتى في لام شمسية، فأنا كان نفسى أشتغل مع كريم الشناوى وعملت أوديشن اتبعتلى مشهدين للشخصية وتخيلتها وعملتهم واختارونى بعدها".

اقرأ أيضا: اتعالجت أسبوعين.. يارا السكري تتحدث عن أصعب مشهد في فهد البطل

ياسمين عز تعلق على حادث دهس نور النبوي لـ محصل كهرباء