بسمة وهبة عن أزمة شيرين وحسام: هيرجعوا لبعض قريب ومش هتفهموا علاقتهم

علقت الإعلامية بسمة وهبة، على أزمة الفنانة شيرين عبدالوهاب وطليقها الفنان حسام حبيب، عبر حسابها الرسمي بموقع تبادل الصور والفيديوهات إنستجرام.

وقالت بسمة وهبة :"انا طالعة علشلان أشكر أسرة شيرين على دعمهم وأنهم واقفين جنبها، لأن الأنسان لما يحس أنه ملهوش ضهر بيبقي حسس أنه ضعيف".

وتابعت :"عايزة أنصح الناس متقربوش من شيرين وحسام، لأن علاقتهم مش هتفهموها وهيرجعوا لبعض ومحدش ليه دعوة بيهم ومتفتوش".

تصدرت أزمة الفنانة شيرين عبدالوهاب والفنان حسام حبيب التريند، خلال الأيام الماضية، بعد اتهامات شيرين لطليقها حسام حبيب بالتعدي عليها بالضرب في فيلتها بالتجمع الخامس.

ودافع الفنان حسام حبيب عن نفسه في واقعة ضربه لشيرين عبد الوهاب، مؤكدا أنها تكذب في اتهامها له.

ودافع حسام حبيب عن نفسه قائلا :" واقسم بالله العظيم انا مالمستها، شيرين عبدالوهاب بتهددني طول الوقت وبتقولي مش هخليك تعرف تمشي في الشارع، ومن اسبوع قلبها كان واجعها وبتقولي كل ما حد بيشتم فيك بحس أن أنا السبب ومش عارفة اعمل ايه عشان أكفر عن الذنب ده، وشخصياَ انا اتحملت كتير.. وقسماَ بالله العظيم انا عمري ماخدت منها فلوس".

وتابع حسام حبيب: "الواقعة كان يوجد فيها بنتها كما كان يوجد كثير من الشهود، وتقريباَ اللي كانوا موجودين اقرب لشيرين لكن هم سوف يقولون الحقيقة بأكملها، ولكن يوجد شخص قال إن أنا سرقت".