عملت من لحمه استيك وكلته.. اعترافات صادمة لطفل الإسماعيلية قاتل زميله

أقر الطفل المتهم بقتل زميله وتقطيع جثته داخل منزله بالإسماعيلية، باعترافات تفصيلية مأساوية أمام جهات التحقيق، وقال المتهم: «هو جه عندي البيت علشان يستلف 10 جنيه، وسألته: هو صحيح عمك هيتجوز أمك؟، رد عليا وقالّي: أحسن من أمك اللي اتجوزت أي حد، ساعتها اتخانقنا، مسكنا في بعض، وطلّع كتر من جيبه، وأنا ضربته بعصا على دماغه ومات».

وأضاف المتهم: «كنت بتفرّج على مسلسل أجنبي اسمه ديكستر، وقررت أقلده، كنت عايز أفصل راسه عن جسمه زي ما شفت في المسلسل بس مقدرتش نفسيًا، فقطعته 6 أجزاء».

وتابع في اعترافاته: «خدت حتة من وركه وحطّيتها في الفريزر، وتاني يوم عملتها استيك وكان طعمها وحش جدًا».

وأشار المتهم إلى أنه استخدم منشارًا كهربائيًا لتقطيع الجثة بعد وفاته، ثم أخفى الأجزاء داخل المنزل، وأنه تصرف بمفرده دون مساعدة من أحد.

وأضاف المتهم: «هو لمحلي كذا مرة إنه عايز يعمل معايا حاجات مش كويسة، وأنا كنت متضايق منه».

وتواصل النيابة العامة تحقيقاتها في واقعة طفل الإسماعيلية، حيث أمرت بحبس المتهم على ذمة التحقيقات.

رسالة مؤثرة من والدة طفل الإسماعيلية

كتبت مروة قاسم والدة الطفل محمد أحمد، الذي قُتل غدرًا بأبشع الطرق على يد صديقه بالمدرسة يوسف أيمن، رسالة مؤثرة عبر صفحتها الشخصية على فيس بوك، وذلك بعدما كشفت التحقيقات عن شريك خفي محتمل في الجريمة، إذ تقول الأم المكلومة: «أنا عايزة حق ابني، يتعدم هو واللي ساعده، مش هعيط، ناري مش هتبرد، إلا لما يتعمل فيه زي ما عمل في ابني، وأعرف هو عمله إيه علشان يعمل فيه كده، أنا مش متخيلة إن محمد يعرف يإذي حد أو يزعل حد، محمد كان حنين وبيحب الناس وبيحب يساعد الناس ويحب زمايله، قلبه كان أبيض، عمره ما شال من حد ولا فيه حقد أو غل، بالعكس محمد كان وحيد، وكان بيحب زمايله وبيعتبرهم إخواته وبيتعامل عادي، كانت اللقمة بيقسمها مع أي حد معاه في الفصل لو مش معاه سندوتشات، ويجي يقولي وأقوله جدع أخدت ثواب ويفرح، كان لو لقي حد محتاج ومعه فلوس يجري يديله، وماشيين سوا يقولي ماما هاتي فلوس اشتري حاجة ميقوليش على الثواب اللي هيعمله، اكتشفه وأبصله وابتسم وأقول تربيتي.. حسبي الله ونعم الوكيل، أنا عايزة حق ابني يا رب.. ولو قعدت أحكي عمري كله مش هيكفي».

إقرأ أيضًا:

تفاصيل جديدة في قضية طفل الإسماعيلية ضحية صديقه 

القبض على طالب بالمنصورة لفبركته فيديو مُخل لزميلته باستخدام الذكاء الاصطناعي