طلاب زراعة جامعة القاهرة ينجحون في استخلاص بكتيريا نافعة وزبادي من نحل العسل

نجح طلاب بكلية الزراعة قسّم وقاية النبات في جامعة القاهرة، من استخراج بكتيريا نافعة من النحل، تستخدم كبديل عن البكتيريا التجارية.

وقال الطلاب: جمعنا حوالي 100نحلة وبدأنا نخدرهم وبعدين شرحناهما ثلاثة اجزاء وبدأنا نعمل تخفيفات، وبعدين صبينا عليهم ميديا MRS ودي مديا مخصوص للنوع البكتريا وبعدين حضناهم في الاتوكلاف وبعد ٤٨ساعة بدأنا نعمل ستريكنج علي MRS ميديا لحد موصلنا single colony وبدأنا نعملها slant ع أجار مآئل علشان نوصل pure colony وبدأنا نعمل الاختبارات بتاعتنا اول حاجة كانت صبغة جرام والنتيجة كانت موجبه لجرام عصوية وبعدين عملنا اختبارات بروبايوتك زي bile salts واللي نتائج بتاعتها كانت متحمله للأملاح وبكدا لو دخلت جسم الإنسان مش هتتأثر في المعدة او الأمعاء وبعدين علشان هي كانت بكتريا لاكتيك أسيد بكترياLAB عملنا اختبار Lactose fermentation والنتيجة كانت ان اللبن اتجبن ومن هنا جت فكره التطيبق اللي هو أننا نعمل منها زبادي وفعلا حضرنا منها زبادي عن طريق لبن وغلناه وسبانخ لدرجه حرارة معينة وبعدين لقحنا بالبكتريا بتاعتنا وسبناه يتحضن ١٢ساعة وفعلا النتيجة كانت زبادي  نفس وطعم وريحة الزبادي وممكن كمان نستخدمها في منتجات الألبان والصناعات الغذائية وكمان عملنا اختبار الأمان على الإنسان استخدمنا فيه blood agar وعملنا استريك بالبكتريا على المديا وطلعت معانا جاما وده معناه أنها مكسرتش الدم وبكدا هي أمان ع الإنسان.

يعني فكرة مشروعنا أننا عملنا زبادي من النحلة ونقدر كمان ندخله في صناعات تانيه زي الجبن والمنتجات الألبان.

فكرة المشروع تعتمد على عزل بكتيريا حمض اللاكتيك (Lactic Acid Bacteria) من أمعاء نحل العسل، وذلك من خلال تشريح النحل واستخلاص الميكروبيوم الطبيعي الموجود بداخله، حيث تُعد هذه البكتيريا من أهم أنواع البروبيوتك المفيدة للصحة. بعد عزل البكتيريا وتنميتها يتم تقييم قدرتها على مقاومة الميكروبات الضارة ومدى صلاحيتها للاستخدام في الصناعات الغذائية، خاصةً منتجات الألبان المتخمرة مثل الزبادي.

تكمن أهمية المشروع في البحث عن مصادر طبيعية وآمنة للبروبيوتك يمكن استخدامها كبديل أو داعم للبكتيريا التجارية المستخدمة حاليًا في الصناعات الغذائية. كما أن بكتيريا حمض اللاكتيك المعزولة من النحل قد تمتلك خصائص مميزة مثل تحمل الظروف المختلفة وإنتاج مركبات مضادة للبكتيريا الضارة، مما يساعد في تحسين جودة الأغذية وزيادة قيمتها الغذائية وإطالة فترة حفظها.

ومن النتائج المتوقعة للمشروع:

* الحصول على سلالات بكتيرية نافعة ذات خصائص بروبيوتك عالية.

* إثبات قدرة هذه البكتيريا على تثبيط نمو بعض الميكروبات الممرضة.

* تحسين خواص منتجات الألبان مثل الزبادي من حيث القوام والطعم والقيمة الصحية.

* فتح المجال لاستخدام ميكروبيوم نحل العسل في تطبيقات الصناعات الغذائية والمنتجات الوظيفية مستقبلًا.

وتتمثل الفائدة التطبيقية للمشروع في دعم الاتجاه نحو إنتاج أغذية صحية تحتوي على بروبيوتك طبيعي يساهم في تحسين صحة الجهاز الهضمي وتعزيز المناعة، بالإضافة إلى الاستفادة من التنوع الميكروبي الموجود في نحل العسل في مجالات التكنولوجيا الحيوية والتصنيع الغذائي.

فريق المشروع:

نغم اشرف جميل

عبدالهادي خالد عبدالهادي

كامل سيد كامل 

نانسي حسين احمد

بسملة ناصر محمد

تحت إشراف دكتور محمد صلاح عبدالله صالح المعصراوي.