طليقة أحمد مكي توجه له رسالة رومانسية في عيد ميلاده

وجهت خبيرة التجميل مي كمال الدين، طليقة الفنان أحمد مكي، رسالة له في عيد ميلاده الـ46 سنة، والذي يوافق اليوم الجمعة 19 يونيو 2026م.

ونشرت «مي» صورة عبر «إنستجرام» وكتبت: «النهاردة عيد ميلادك 19/06/1980 (46) حبيبى كل سنة وانت أغلى من الياقوت، انا مكنتش عايزة أكون أول حد يقولك كل سنة وانت طيب النهاردة، عشان كل اول حاجة فى حياتك كانت صعبة ومش حلوة وانت تعبت اوى بس ربنا يقدرنى اعوضك واسعدك.

وأضافت: «بدعى ربنا أكون آخر حاجة فى كل حاجة.. اكون مسك الختام، حتى لو كنت اول حد ديما جنبك ومعاك ... وبتمنى أكون آخر حب فى قلبك حتى لو كنت أول حد عرفك معنى الحب والأمان، وحبك حب غير مشروط ولاقى سعادته فى ابتسامتك، اول حد حبك اكتر من نفسه وخاف عليك اكتر من نفسه »

وتابعت: «بس نفسي أكون آخر شخص دخل قلبك واطمن له وآخر حد تكمل معاه وتلاقى فيه راحتك يمكن دى امنيه كبيرة .. ربنا يقدرنى اعوضك واسعدك بس دى الحقيقة اللى جوايا وبتمناها من ربنا كل سنة وأنت طيب حبيبى وابنى الجميل وكل سنة وأنت أغلى من الياقوت ويا رب تكون سنينك الجاية كلها رضا من ربنا، وفرحة، ونجاح، وراحة لقلبك وينور بصيرتك ويعوضك كل خير بكل إلى مريت بيه بحبك يا كبير مكي»

كانت خبيرة التجميل مى كمال الدين، أثارت مؤخرًا، حالة واسعة من الجدل عبر مواقع التواصل الاجتماعى، بعد رسالة رومانسية وجهتها إلى الفنان أحمد مكى، رغم إعلان انفصالهما رسميا فى وقت سابق.