بسبب فيلم النونو.. عمرو أديب يدافع عن أحمد حلمي: لجان مدسوسة وعايزاها مولعة

خرج الإعلامي عمرو أديب عن صمته، ليدافع عن الفنان أحمد حلمي، بعد الانتقادات وحملات الهجوم التي تعرض لها بسبب فيلم النونو الذي يستعد لتجسيد دور البطولة به.

ونشر الإعلامي عمرو أديب فيديو عبر موقع التدوينات القصيرة "إكس"، قال فيه: الدنيا تبان انها مقلوبه بسبب فيلم النونو بطولة الفنان أحمد حلمي وفي لجان مخصوصه، مدسوسه هي اللي شغاله علي الموضوع ده وتصدر إنها إهانه للشعب المصري وسمعة مصر، وطبعا في ناس اللي هما ولاد الحلال اللي عايزين يقفوا جنب البلد، وينقذوا البلد ويدافعوا عن كرامتها.  

وتابع: "أنا عايز اسأل سؤال هو أحمد حلمي ده مش ابن مصر، أحمد حلمي ده موجود من زمان، وعمل مليون فيلم فاجئه كده تقرروا إنه باع بلده علشان شويه فلوس، انتوا متعرفوش مين أحمد حلمي ،أحمد حلمي ده هو اللي عمل عسل اسود وأعمال مختلفه وكان وقتها برضو أحمد حلمي، بس في ناس طبعا من مصلحتها تكون الدنيا بايظه مهما الدنيا هديت". 

عمرو أديب يدافع عن أحمد حلمي 

وأضاف: "دور النصاب في الفن المصري والسينما المصرية موجود منذ زمن، كما أنه بداخل هذا الفيلم سيوجد نصاب سعودي، وكل شعوب العالم يوجد بها نصابون". 

واسترسل: "أنت طالع تهاجم قبل ماتشوف الفيلم وقبل ما تقرر وقبل ما تعرف ايه الحكايه والروايه، الموضوع لسه بيتكتب وبيتظبط طيب ما فيلم اولاد رزق كان في الجزء الاول نصابين أشمعنا بقي ده".

واختتم : "يا جماعه ده أحمد حلمي بس في ناس الحبكه الدراميه مش عجباها شوفوا الاول وقرروا ،كفايه بقي خليتوها خل ارحمونا".