كلمات أغنية "أنا مش ديلر يا حكومة".. صرخة غضب من قلب الحارة

استطاعت أغنية "أنا مش ديلر يا حكومة" للمطرب الشعبي إسلام كابونجا أن تعبر عن صرخة غضب وتمرد  قلب الشارع، وعن واقع شاب محاصر بالظلم وسوء الفهم، بأسلوب شعبي جريء ومباشر، يجمع بين الراب والمهرجان، بيواجه كابونجا نظرة المجتمع والسلطات ليه، وبيوضح إن خصومته مش جريمة، وإنه مش تاجر مخدرات زي ما بيتقال.

الأغنية بتمتزج فيها القوة، الجدعنة، والحدة، وبتحمل رسائل عن الوفاء والخيانة، عن الصحاب الرجالة واللي باعوا، وبتنقل صورة حقيقية للبيئة اللي طالع منها البطل.

من خلال كلمات نارية وتوزيع حماسي، بيوصل كابونجا صوته للناس: "أنا مش ديلر، أنا راجل في دايرة خصومة، وأشرف من كتير بيتصدروا المشهد."

كلمات أغنية" أنا مش ديلر يا حكومة"

أيوة، معروف إن واحد زائد واحد يساوي عركة
غير كده يبقى إنت بتغمز نفسك
وخليك عارف إن في الآخر
ما حدش هيفيدك غير نفسك
أفيجو يا دخلاوي
رحومه الكينج بيقولك إبعتهاله من أبيس التانية، ها
فيجو الدخلاوي

إقلع شبشبك، إجري
لو تبت هتاخد خبطاط سم
إنت دخلت في شارع خطر
لازم تطلع منه بدم
قبل ما تكرف كرفة أونطة
إعرف إن أنا أشرس خصم
بطل تعمل بطل
أصل البطل آخره يمثل فيلم

إسند ضهرك وإرتاح
وما تمشيش تاني بسلاح
برص وعامل تمساح
آخرك شبشب على وشك
فكر قبل أما تكرت
إن أنا يا خصمي بموت
لو جاي نفسك تتصيت
إنسى الصيت، هكسر نفسك
في أبيس التانية دمار شامل
رحومه الكينج ده صيته واصل
رحومه الكينج إبن أكابر
الإسم بالدهب إتاقل
من أبيس التانية فخامة
ده وجهة الجيهة رحومه
صيته بصمة وإسمه علامة
مشرف في جميع الدواير

أنا كل ما أقول بطلت عراك
بتخلوني أزود خصومات
كل شوية أخبط كام واحد
وأستعبط وأعمل جنايات
كاشح كام مرشد في الدايرة
عينهم في الشارع كاميرات
لو بظهر ع القمة دقيقة
بيجيبوا مشروع الظباط

أنا مش ديلر يا حكومة
شغلتي في الدايرة خصومة
أصل أنا دايرتي مقسومة
متحزبة على إتنين
نص بيخبط ويحاسب
ونص من الإرشاد خايب
وأنا محطوط وسط تعالب
ومخصم النصين

بصحى بسن سلاحي وبنزل أقول
هل يوجد حد طالبني؟
حد عاوز يتعارك أنا موجود
مين فيكوا عايز يلعبني؟
واقف بالكساحة والكلب
بدور على أبطال تحاربني
بس عشان كاتم ع النفس
إللي يشوفني بيخلع مني

أنا زي ما أنا شادد حيلي
بتعامل ملكي وميري
صاحبي دراعي، قرشي زميلي
وسلاحي في جنبي وجاهز
إللي ذكائه معايا خمه
وديته على جيهته بدمه
بلغوا بعضكو وإتلموا
لو شفتكو هضرب نافذ

صاحبي الخاين فردة جزمة
ده ورا الحرمة في كل مكان
كل ما أقوله أنا عايزك إنزل
بيقولي أنا آسف تعبان
‫وينزل صور في الـ Night
مع الحريم قاعد سهران
واضح إنك تعبان يا زميلي
لكن تعبان ع النسوان

على سكتي جاتلي حبيبتك
بتقولي ده بيغير منك
في كل حاجة بيعمل شبهك
وأنا عيني عليك من الأول
قلتلها إنتي بتحكيلي
وإنتي زبالة زي زميلي
فتشتيه وراجعة تجيلي
إخلعي، مش ناقصة تسول

كل الناس بيقولوا ما فيش أصحاب
وما فيش زمايل وإخوات
بس أنا عندي صحاب رجالة
وإللي إتقال ده كلام إشاعات
الجدعنة تتذكر على أسامينا
واخدين إسم البشوات
إللي بيجي معانا في حكاية
بنحطه جنب الأموات
بنحطه جنب الأموات

‫يا My Queen يا أم الولا
بقيتي كارثة ومشكلة
جنبي في وقت الكعبلة
وفي ضهري وأنا حالي متدهور
عصبية وبنص لسان
بعشق أبوها يا جدعان
باخدها أنا في كل مكان
وفي كل حتة بنتصور
آه، وفي كل حتة بنتصور

رحومه الكينج إبن العز
إبن الباشا، أكيد ريس
رحومه الكينج لازم يتميز
محبوب وخاطف قلب الكل
الهندسة أحمد محمد
كله على رجولته بيشهد
على حسه الجدعنة إتذكرت
الهندسة ضهر ورا ضهر
كريم معوض صيته مشرف
الإسم معدي ومتكلف
سندال جنب إخواته وبيصرف
كريم معوض الچنرال
حسين العرباوي رجولة
إسمه لوحده يساوي بطولة
حسين العرباوي أسطورة
مشرف نفسه بالأفعال
مورا العسلية إسمه تقيل
إوعى تيجي معاه في تخطير
وزير الجدعنة والتقدير
مورا العسلية عم الناس
عمرو الجزار سند لإخواته
مشرف نفسه طول حياته
كل الناس شاهدة على جدعنته
هو الأساس على أي أساس