أنغام تستنكر الزج باسمها في الهجوم على شيرين: كفاية قرف

أعربت  الفنانة أنغام عن استيائها الشديد من فكرة المقارنات التي تحدث من الجمهور بشأن أعمالها وأعمال الفنانة شيرين عبد الوهاب، مؤكدة أن كل شخصية لها جمهورها المختلف.

وتحدثت أنغام خلال تصريحات تليفزيونية عن المقارنات بينها وبين الفنانة شيرين عبد الوهاب، قائلة: كفاية قرف ومقارنات بيني وبين شيرين، هي ليها جمهور وأنا ليا جمهور، عيب الضغينة اللي بتزرعوها بيني وبين شيرين.

وأضافت: رفعت قضية على شاب قالي “مش هترحمي شيرين يا أنغام؟” واتسجن.. حرام تطلعوني شيطانة وبشن حملات على زميلة.

وأردفت: مش بتهم شيرين إن هي السبب لكن الناس بيقنعوها بده، كفاية حقد وسيبوني في حالي، وملكوش دعوة بنوايايا.. أنا بتهاجم زيي زي شيرين

تحدثت الفنانة أنغام عن الحملة التي تتعرض لها النجمة شيرين عبد الوهاب في الفترة الحالية، وبالتحديد بعد حفلها الأخير في مهرجان موازين، كما اتهم عددا كبيرا من متابعي السوشيال ميديا أنغام بأنها وراء هذه الحملة.

أنغام باكية: حرام وعيب اللي بتقولوه عليا في حملات الهجوم على شيرين عبد الوهاب

وقالت أنغام خلال مشاركتها في مداخلة هاتفية مع لميس الحديدي لـ برنامج كلمة أخيرة: مينفعش نوصل إننا بنوجه الرأي العام كله ونطلع أنغام شخص شيطان وبيشن حملات على زميلة، أنا مش بتهم شيرين إن هي اللي قالت ده، لكن بعض الناس هما اللي بيقولوا الكلام ده وده ظلم وعيب وحرام، عيب الضغينة اللي بتزرعوها بيننا.

وأضافت: في همواقع بتكتب اسمي وناس بيبعتولي شتايم عنيفة إن أنا اللي ورا حملة الهجوم على شيرين عبد الوهاب بعد حفلها في المغرب.. الموضوع بقى غير محتمل لو شيرين على المسرح وبتتهاجم أنا مالي وإيه علاقتي؟ 

وأشارت إلى أنها حاليا في المستشفى وتتلقى العلاج، بعد تعرضها لأزمة صحية خلال الأيام القليلة الماضية.