لقاء الخميسي تحسم الجدل حول انفصالها عن زوجها

خرجت الفنانة لقاء الخميسي عن صمتها، بعد تداول أنباء عن انفصالها من زوجها نجم منتخب مصر السابق محمد عبد المنصف، عقب الأزمة الأخيرة واكتشافها زواجه من الفنانة إيمان الزيدي، لسبع سنوات قبل الإنفصال، مؤكدة أنها لن تسمح بهدم أسرتها.

ونشرت لقاء الخميسي عبر حسابها الرسمى بـ«انستجرام» فيديو يجمعها بزوجها عبدالمنصف، وأبنائها، فى إشارة أنها لم تنفصل عنه كما أُشيع، ووجهت رسالة لكل سيدة تتابعها حتى تحافظ على منزلها وعائلتها.

وكتبت لقاء معلقةً على الفيديو: «الدنيا يتختيرنا دايمًا وأبدًا، أيام بتسعدنا وأيام يتبعدنا وتزعلنا وتجرحنا.. وبنتوه مع نفسنا.. الحكمة بتظهر من قلب الحزن.. وبنقعد نفكر إيه الصح وإيه الغلط وهل اللى عدينا بيه شر ولا خير».

واضافت: "ومع الوقت، ولما النفس تهدى والعقل يفكر والقلب يدق، بنكتشف إن كلنا ينغلط وبنتوه شوية فى وسط الزحمة، فى ناس بتغلط وتكمل فى الغلط! وفى ناس بتغلط ويترجع لحكمتها ويتندم وتصحح الخطأ.. خطائين وخير الخطائين التوابين».

وتابعت: "مافيش حد مابيغلطش، بس القوى الحقيقى بيعترف بالغلط وبيرجع لصوابه ربنا فتحلنا باب المغفرة والسماح.. شكرًا من قلبى لكل انسان دعمنى ووقف جنبى وطبطب عليا وشكرًا لكل أصدقائى المقربين اللى وفقو جنبى وكل من دعمنى من أصدقاء السوشيال ميديا اللى نوروا حياتى بالمحبة وطبطب على قلبى ودعالى دعوة حلوة».

 وأشارت إلى أن «آخر حاجة هاقولها، أسهل فى الدنيا هدم البيوت العمرانة وأقوى حاجة فى الدنيا إننا نحافظ على حياتنا ونحارب على بيوتنا واولادنا يالحب والسلام، كلنا بنغلط، وبنندم ونرجع لصوابنا.. ونرجع ببداية جديدة مليانة شغف وحب وسلام وراحة بالحب».

واختتمت لقاء موجهةً رسالة لكل السيدات: «لكل ست وربة منزل حافظى على بيتك وعائلتك بكل قواك وأوعى تدى الفرصة لأى إنسان إنه يهدم بيت العيلة، بحبكم من كل قلبى أصدقائى وعيلتى الكبيرة».