أيمن بهجت قمر يكشف حقيقة زواجه في السر

علق الشاعر أيمن بهجت قمر، على الفيديو المنتشر لشخص عراف يكشف عن زواجه في السر خلال عام 2026، مما أثار جدلاً واسعاً.

وكتب أيمن بهجت  قمر: «الفيديو ده لما نزل حصل لي شوية لخبطة، وأنا وقتها ما علقتش عليه، ومعنديش أي مشكلة معاه، بس لقيت ناس كتير بعده بتقول إني متجوز. 

وتابع: "في حقيقة الأمر أنا ما اتجوزتش لسه بعد انفصالي عن أم أولادي، وفكرة الجواز والاختيار بالنسبة لي مش سهلة أوي كده، لأن الست اللي هتجوزها هي اللي المفروض أكمل معاها اللي باقي من عمري، ودي الست اللي هتورثني وتدخل مع ولادي في إعلام الوراثة، واللي هيتقال عليها لحد آخر يوم في عمرها، حتى لو أنا مش موجود، إنها كانت مرات فلان الفلاني. 

وأضاف "ودي لازم تبقى واحدة أنا حاسس فعلًا إنها الست بتاعتي، وأبقى شايفها في عيني ست الستات كلهم، ودي لحد دلوقتي مش موجودة في حياتي، وأكيد لما تظهر هقول على طول.. فأنا بس حبيت أوضح».

في سياق أخر، كشف السناريست أيمن بهجت قمر، عن كيف جاءت له فكرة فيلم "الهنا اللي انا فيه"، والذي قام ببطولته الفنان كريم محمود عبد العزيز.

وقال خلال لقاء له في برنامج «معكم» مع الإعلامية منى الشاذلى على قناة ON E، إن فكرة فيلم «الهنا اللى أنا فيه» مستوحاة من قصة واقعية سبق أن رواها الفنان الراحل سعيد صالح خلال لقاء تلفزيونى قديم.

وأشار قمر إلى أن سعيد صالح كان حكى عن تجربة شخصية داخل أسرته، تتعلق بقرار والدته تزويج والده من صديقتها المقربة، بدافع خوفها على أبنائها، فى ظل شعورها بتدهور حالتها الصحية واقتراب رحيلها.