أيمن بهجت قمر يعلق على اعتذار ريهام سعيد لهاني شاكر

كشف السيناريست أيمن بهجت قمر، عن موقف له مشابه له بعد حديث الإعلامية ريهام سعيد، عن اعتذارها للراحل هاني شاكر.

وقال ايمن بهجت قمر: الموقف ده فكرنى بموقف لأستاذ ليا وصديق أخجل من ذكر اسمه نظراً لقامته الرفيعة كان فيه بينا زعل كبير وقطيعة وفجأه لقيت موبايلى بيرن بابص لقيته هو بيطلبنى استغربت وقلت بغباء هو بيطلبنى ليه بعد اللى حصل ! ومارضيتش أرد".

أضاف: «تانى يوم طلبنى تانى وانا سارقانى السكينة قلت والله ما هرد، بعدها بشوية طلبنى لتالت مرة هنا قلت هو فيه إيه كدة متهيألى أرد وفعلا رديت لقيت هذا الرجل العظيم صوته رايح وبيقوللى كدة ماتسألش عليا وانا فى المستشفى وحقيقى ما كنتش اعرف واتعاتبنا وقلت له كل اللى فى قلبى وبعدها بأسابيع قليلة توفاه الله حمدت ربنا إن هو كان أكثر حكمة منى ولم الموضوع عشان مش هاين عليه يمشى واحنا عاملين كدة بعد كل المحبة دي».

واختتم: «أوقات الإيجو والغرور بيخلينا نخسر لحظة ممكن نندم عليها طول عمرنا بس صديقى كان حكيم علمنى وحمانى من شر نفسى رحمة الله عليه وعلى كل الغاليين».

يأتى تعليق الشاعر والسيناريست أيمن بهجت قمر فى أعقاب الجدل الذى أثارته الإعلامية ريهام سعيد بعد اعتذارها للفنان الراحل هانى شاكر، حيث أعادت فتح ملف خلاف قديم كان مرتبطًا بموقفها من أغانى المهرجانات وانتقادات سابقة بينها وبين الفنان الراحل.