أول رد من أحمد سعد بعد تشبيه بالنساء

رد الفنان أحمد سعد، على الإنتقادات والهجوم التي تعرض لها بعد اللوك الأخير ، الذي ظهر بأقراط في ذقنه وضفيرة شعر، وهو ما يعني تشبه بالنساء. 

وقال أحمد سعد، في تصريحات تليفزيونية: اللوك مبيأثرش معايا خالص والكلام كتر عليا أوي، كلام الناس مبيشغلنيش ومبيزعلنيش والمشكلة مش فيا المشكلة في الناس، بيحبوا يشوفوا حاجات غريبة ويتكلموا عليها، عكس تصرفاتهم لما يشوفوا حاجة عادية عمر ما حد قالي الله إيه البدلة الجميلة دي أو شكلك منمق، فخلاص عادي أنا أغرب منك، أهم حاجة ميكونش حرام ولا أعمل حاجة متعارضة مع الدين، أنا مش متشبه بالنساء مفيش نساء عندها ذقن لغاية دلوقتي ومنعرفش الموضة هتروح فين.

من ناحية أخرى، طرح الفنان أحمد سعد، يوم الأربعاء أغنية "كوتي" وهي الأغنية الأولى من "الألبوم الفرفوش" الذي أطلقة على مدار اليوم، بواقع خمس أغنيات.

أغنية كوتي من كلمات الشاعر الغنائي حسين خالد، ومن ألحان قصي، وتوزيع كلوبيكس وميكس وماستر هاني محروس، وتميزت كلمات الأغنية بالرشاقة لتناسب أجواء الألبوم الجديد.

وبأجواء مبهجة، صور أحمد سعد الأغنية على طريقة الفيديو كليب بأسلوب مبتكر مع استخدام الجرافيكس بشكل يناسب الأجواء المنعشة التي يطلقها الألبوم.

ويضم الألبوم الجديد 5 أغنيات هي "كوتي وجوزها وخبر عاجل وأوبا وورد" ويطلقها سعد عبر قناته الرسمية على موقع الفيديوهات يوتيوب ومنصات الموسيقى المختلفة.

كلمات أغنية كوتي

أنا أبان من برايا ثابت

وكاريزما وعيل چان

واللي يشوفني يقول جامد

جامد وليه طلة جنان

ومحدش واخد باله

أن أنا محتاج لحنان

حد يطبطب ويدلع

ويهشك فيا كمان

نفسي حد يقولي يا كوتي

أتضايق يلعب ف خدودي

عشان طيب حظي النوتي

بردو منصفنيش

نفسي حد يقولي يا دودو

هو فين وأنا أشد خدوده

امتى يتقالي يا كوتو موتو

أصلي متقاليش

هو الكل بيتهشتك

وأنا مش بتهشتك ليه

حد هييجي يفهمني

ولا أسأل شات چي بي تي

ملقتش اللي يدلعني

باين حد مخبيه

مكتوبلي ابقي وحيد يعني

طب عارف نفسي ف ايه.

نفسي حد يقولي يا كوتي

أتضايق يلعب ف خدودي

عشان طيب حظي النوتي

بردو منصفنيش

نفسي حد يقولي يا دودو

هو فين و أنا اشد خدودو

امتي يتقالي يا كوتو موتو

أصلي متقاليش

ويواصل أحمد سعد من خلال «الألبوم الفرفوش» تقديم تجربة غنائية مختلفة تعتمد على الإيقاعات السريعة والأجواء المرحة التي تناسب موسم الصيف، حيث يراهن على تنوع الأغنيات وخفة كلماتها للوصول إلى شريحة واسعة من الجمهور.