مسلم: أغاني المهرجانات سبب نجاحي

كشف مطرب المهرجانات مسلم، أن سبب نجاحه في عالم الغناء هو اتجه للمهرجانات أنها كانت سببًا في نجاحه وانتشاره في بدايته الفنية.

وقال مسلم، في تصريحات تلفزيونية: المهرجانات سلم النجاح بالنسبة لي ومكنتش حابب إني أنا أعمل المهرجانات بس هي ساعدتني في فترة نجاحي الأولى ومكنش ده اللون بتاعي بس أنا حبيته لأن الناس حبت ده وبقيت أعمله بإتقان وأطور نفسي فيه والناس تقبلته مني، وإن شاء الله في ألبوم جاي هيكسر الدنيا.

وأضاف: المهرجانات موجودة وبقت شئ مفروض وعمرها ما تتلغي لأن كل فترة مع الوقت بيظهر فئة جديدة من الموسيقى بتميز الناس اللي بيسمعوها عشان كده عمرها ما هتتلغي.

من ناحية أخرى، كشفت البلوجر ضحى عبده، طليقة مطرب المهرجانات مسلم، تهرب طليقها من دفع نفقة نجلهما وعدم رغبته في مقابلته ورفضه الخروج من منزله لـ لقاء الصغير على حد قولها، وذلك بعد الحكم عليه بالحبس 6 أشهر وغرامة مالية على خلفية قضية تبديد نفقة.

وكتبت طليقة مسلم، عبر ستوري على إنستجرام: بيقول إنه بيدفع النفقة والمصاريف ورحت عند بيته واتهرب، وأخدت ابنه معايا علشان ميقولش مبخليهوش يشوفه ورفض يفتح له الباب، فضلت قاعدة من 5 ونص لـ 11 بالليل لغاية ما تعبت ومشيت، وللأسف فضل يعيط ويقول بابا مش عايز يفتح لي.

كانت ضحى طليقة مطرب المهرجانات مسلم، علقت على حكم حبسه 6 أشهر وغرامة، في قضية تبديد نفقة، حيث كتبت عبر انستجرام: من فترة كنت فقدت الأمل إني أخد حقي، وحق ابني من أب للأسف لقب أب لا ينطبق عليه، رمى ابنه ومبيسألش عليه، وطبعا لأنه انشغل بشغله وأطماعه والشهرة مفرقش معاه، لا صلة رحم ولا طفل كل ذنبه إني أخطأت في اختيار أب له، ولكن هنقول إيه ده نصيب.