تامر أمين لـ طالبة أسيوط: إيه التخرج ده وبعدين ده أنتِ المفروض هتربي أجيال

تصدرت الطالبة سمر عنتر من كلية التربية الرياضية جامعة أسيوط التريند على وسائل التواصل الاجتماعي، بعدما تعرضت لحملة من الهجوم الشديد بعد انتشار فيديو لها وهي ترقص في حفل التخرج الخاص بدفعتها.

ووجّه الإعلامي تامر أمين، رسالة إلى الطالبة المعروفة إعلاميًا بـ "طالبة جامعة أسيوط"، خلال تقديمه لبرنامج «آخر النهار» على قناة «النهار»، قائلاً: "هو ده فيلتر يا سمر؟، يعني الحمار الأوفر اللي في الوش ده إيه ده كدا طبيعي؟.. دي حاجة تستحق التوقف عندها لأن الصبغة الحمراء اللي في الوش زايدة أوي وده ممكن يكون فيلتر".

وأضاف: "معنديش مشكلة في الرقص اللي هو التنطيط والفرح مش الهز، والحق يقال والإنصاف كمان يقول إن هي مهزتش، يعني لا في رقص خليع ولا رقص منحط ولا في عُري ولا ابتذال ولا إيحاءات عشان منتكلمش في شرف البنت بالشكل اللي موجود على السوشيال ميديا عيب".

وتابع: "هي ملاحظتي الوحيدة، إيه الأغنية دي؟» منتقدًا بعض كلمات الأغنية التي كانت تضم جملة «وأشد السنجة على أخصامي".

واستكمل: "إنت بتحتفلي بتخرجك بأغنية كلامها أشد السنجة على أخصامي؟.. إيه التخرج ده بعدين ده أنت كلية تربية رياضية يعني المفروض هتربي أجيال وتعلميهم وتبقي مدرسة".

واستطرد: "الأغنية اسمها مقاريط على سكاكين وهي دي اللي تم اختيارها للحفلة، فلو الكلية هي اللي مشغلاها تُحاسب، ولو البنت هي اللي مشغلاها تُحاسب ويتقالها خدي بالك إنتي اديتي رسالة مش صح وبعدين هل أهلها فرحوا؟".

وكانت طالبة أسيوط أحدث ردود فعل كبيرة مواقع التواصل الاجتماعي، مؤخراً، بسبب أدائها لرقصة في حفل تخرجها.

وعبايات ردود الفعل بين غاضبة بسبب هذه الرقصة من طالبة ستصبح معلمة تربوية فيما بعد، وبين مؤيد لما فعلته الطالبة سمر، حيث عبرت عن فرحتها بالتخرج، ولم تكن ترتدي ملابس فاضحة.