عالم مخها تعبان.. أول تعليق من أحمد آدم على المؤلف محمود حمدان

رد الفنا أحمد آدم ؛ على تصريحات المؤلف محمود حمدان، الذي كشف عن دعائه عليه بسبب سوء معاملته له في بداية مشواره الفني وذلك خلال مسرحية كان سيشارك من خلالها معه.

وقال أحمد آدم خلال منشور له عبر حسابه الشخصي الفيسبوك: "والله عالم مخها تعبان، وأسهل حاجة في زمن النكران وقلة الأدب ده، هو التطاول على رموز البلد في كل المجالات، مش مجال الفن بس، الاسكندراني مننا لو ملقاش شغل بياخد سنارة ويطلع على البحر يصطاد، ويكفي نفسه وبيته، وأحمد آدم واحد مننا.

وأضاف : أنا داخل فيلم جديد بعد العيد، وبقرأ مسلسل كمان، والحمد لله متقلقش، أنا أحمد آدم برضه.

كان المؤلف محمود حمدان، قد أثار الجدل عبر السوشيال ميديا بعد كتابة منشور يهاجم فيه الفنان أحمد أدم قائلاً "“سنة ٢٠٠٧ أخدنا الدكتور جلال الشرقاوي علشان نمثّل في مسرحية لأحمد آدم، كنا مجموعة من شباب أكاديمية الفنون ولسّة في بداية طريقنا، أحمد آدم كان مغرور ومتعالي بشكل غريب، كنا قبل العرض بيوم وبنعمل بروفة جنرال، دخلت أعمل دوري ومن حظي السيئ إن اللي كانوا قاعدين في الصالة ضحكوا، أحمد آدم وقّف البروفة وقدّام كل الناس سمّعني أسوأ كلام يقوله فنان محترف لشاب لسّة بيشق طريقه (أنت هتاخد فرصتك بس مش معايا مع حد تاني، تقف مكانك متتكلمش)، ولم يكتف بذلك قالي مش هتشتغل يلا أمشي ”.

وأضاف "خرجت من المسرح والدموع مكتومة جوايا، وأصحابي بيحاولوا يواسوني، (مصطفى أبو سريع، وحسني شتا، وإبراهيم السمان، ومحمد العمروسي)، روحت صليت ودعيت على أحمد آدم وأنا منهار من البكاء، ومن 5 سنين كلمني منتج صديقي علشان أكتب فيلم لآدم، وقولتله لو هتديني 100 مليون مش هكتبله، الآن بدعيله ربنا يفك كربه ويسامحه ويكرمه، وأنا مسامح".

اقرا يضا: "قفلة" يُشعل المنافسة في بالم سبرينغز| حضور مصري قوي في سباق الأوسكار

أنامل عربية وعالمية تُبدع في الباليه والبيانو بأوبرا دمنهور

بعد صراع مع المرض .. وفاة المغنية الفرنسية نيكول